Elzohry Academy
Log in / Sign up
EGP $
Home Courses Browse all courses (A–Z) BIM coordination BIM IT Architecture Programming & API Planning Steel structures Structural design Packages Paths Instructors Certificates Forum Contact us Book a support call

مطلوب محاضرين في كل التخصصات الهندسية: كورسات مسجّلة وأونلاين على Zoom

Hosam Elzohry Verified Buyer ·

أكاديمية الزهري بتكبر، ومحتاجين نكبر معاها بمحاضرين جداد في كل التخصصات الهندسية.

لو انت مهندس شغال في المجال، وعندك خبرة حقيقية في المشاريع، وبتحب تشرح وتنقل خبرتك لغيرك، يبقى المكان ده ليك.

👉 قدّم من هنا: https://elzohry-academy.com/lecturers/join

بندوّر على إيه؟

محاضرين في أي تخصص هندسي، زي:

  • المعماري والتصميم الداخلي والـVisualization
  • الإنشائي والتصميم والتحليل
  • الميكانيكا والكهربا والصحي (MEP)
  • المدني والطرق والبنية التحتية
  • إدارة المشروعات والمكتب الفني
  • الـBIM والتنسيق بين التخصصات
  • البرمجة والأتمتة (Dynamo، Python، Revit API)

ولو تخصصك مش في القايمة، ابعت برضه.

نوعين من الكورسات

1. كورسات مسجّلة: بتسجّل الكورس مرة واحدة، والطالب يتابعه في الوقت اللي يناسبه.

2. كورسات أونلاين لايف على Zoom: محاضرات مباشرة في مواعيد ثابتة، والطلبة بيسألوا ويتناقشوا معاك وقت المحاضرة.

وينفع تقدّم النوعين.

المطلوب منك

  • خبرة عملية حقيقية في التخصص، مش شرح أوامر البرامج وبس.
  • إنك تعرف تشرح بأسلوب واضح ومنظّم.
  • للكورسات المسجّلة: صوت واضح وتسجيل شاشة نضيف.
  • لكورسات Zoom: إنترنت ثابت والتزام بالمواعيد.

هتلاقي إيه معانا؟

  • صفحة ليك كمحاضر على الموقع، فيها صورتك ونبذة عنك وشهاداتك.
  • شهادات الطلبة باسمك وتوقيعك.
  • دخول خاص ليك على لوحة التحكم: بتشوف منها حجوزات الدعم ومواعيدك، وطلبتك لو اتفقنا على كده.
  • مجتمع ومنتدى للطلبة بيساعدك في المتابعة والرد على الأسئلة.
  • تسويق الكورس على صفحات الأكاديمية ومجتمعها.

تفاصيل الاتفاق بنتكلم فيها بوضوح مع كل محاضر على حسب الكورس ونوعه.

إزاي تقدّم؟

  1. افتح صفحة «انضم لفريق المحاضرين»: https://elzohry-academy.com/lecturers/join
  2. اكتب بياناتك ونبذة عن خبرتك، واختار عاوز تقدّم كورسات مسجّلة ولا على Zoom ولا الاتنين.
  3. اكتب الكورسات اللي عاوز تشرحها، وحط لينكات لشغلك أو LinkedIn أو يوتيوب لو عندك.
  4. هنراجع بياناتك ونتواصل معاك.

ولو تعرف مهندس شاطر وبيحب يشرح، ابعتله اللينك ده 🌹

#محاضرين#وظايف#Zoom

شارك: Facebook X LinkedIn WhatsApp Telegram
Report

0 replies

You'll create an account in one step (or sign in), and your comment will be posted.