Pinned Draw:
سحب: 10 دعوات Instinct، مساعد AI شخصي بتكلمه على الواتساب أو تليجرام
Hosam Elzohry Verified Buyer ·
Instinct يعني إيه؟
Instinct هو AI Agent شخصي (مساعد ذكاء اصطناعي). بتكلمه على WhatsApp أو Telegram زي ما بتكلم أي حد في الكونتاكتس، بالكتابة أو بالصوت، ومش محتاج تفتح برنامج.
اعتبره خادمك المطيع: بتطلب منه المهمة، وهو بينفذها في التطبيقات اللي إنت بتربطها بيه. يعني مش زي أي Chatbot بتسأله سؤال وتاخد إجابة وخلاص. إنت بتطلب حاجة تتعمل:
- «ابحث لي عن الوظايف اللي اتعلن عنها في مجال BIM، ورشّح لي أفضلها».
- «راجع لي موقع الشركة، وقول لي إيه اللي محتاج يتصلح».
- «جهّز لي حملة تسويقية لخدمات المكتب».
- «فكّرني أبعت اللوحات للاستشاري بكرة الساعة 10».
- «رتّبلي مواعيد الأسبوع الجاي».
- «لخّصلي الإيميلات المهمة النهارده».
ليه الدعوة مهمة؟
- الدخول بالدعوة بس. اللي معاه دعوة بيدخل على طول. واللي من غيرها بيسجل في قايمة انتظار، ومفيش ميعاد معلن لدورها.
- مجاني للي دخلوا بالدعوات لحد دلوقتي.
- مهم للمهندس اللي يومه ما بين الموقع والمكتب والاجتماعات: متابعات، وتذكيرات، وإيميلات، ومواعيد، وكله من الواتساب أو تليجرام، حتى برسالة صوتية وإنت في الموقع.
إزاي تشارك؟
- سجّل دخول على الموقع. الدعوة هتوصلك على الإيميل بتاع حسابك، فاتأكد إنه صح.
- اكتب رد على البوست ده، وقول هتستخدم Instinct في إيه في شغلك.
- آخر ميعاد: النهارده الساعة 10 بالليل بتوقيت القاهرة.
- السحب الساعة 10 بالليل: الموقع بيختار 10 فايزين عشوائيًا من الردود لوحده. كل شخص ليه فرصة واحدة، حتى لو كتب أكتر من رد.
- أسماء الفايزين هتظهر على البوست ده، والدعوة هتوصلهم على الإيميل.
لما توصلك الدعوة
- افتح اللينك اللي في الإيميل.
- اكتب رقم موبايلك، واختار WhatsApp أو Telegram.
- كود التفعيل هيوصلك على WhatsApp، مش SMS. فلو مستني رسالة عادية ومجتش، بص على الواتساب.
⚠️ كود التفعيل ده ليك إنت بس. ماتبعتوش لأي حد، حتى لو قال إنه من الأكاديمية أو من Instinct. إحنا عمرنا ما هنطلب منك الكود ولا أي فلوس.
المصادر: Instinct على WhatsApp (Carly) • الدعوات وقايمة الانتظار (Carly)